اسلام آباد (نیوزڈیسک ) پاکستان تحریک انصاف نے بروز ہفتہ ملک بھر میں احتجاج کا اعلان کر دیا۔دیگر جماعتوں کو بھی شریک ہونے کی دعوی دے دی، پی ٹی آئی نے پنجاب میں اسلم اقبال اور بلوچستان میں سالار خان کو وزیراعلیٰ نامزد کر دیا۔بانی پی ٹی آئی عمران خان سے ملاقات کے بعد اہم پریس کانفرنس کرتے ہوئے بیرسٹر گوہر خان نے بتایا کہ ہمارے وزیراعظم کے امیدوار ایوب خان ہی ہوں گے۔
پیپلز پارٹی ، ن لیگ، ایم کیو ایم کیساتھ کوئی بات نہیں ہوگی، کوئی پاور شیئرنگ نہیں ہوگی، اُس وقت تک مضبوط اپوزیشن کریں گے جب تک ہمارا فل مینڈیٹ نہیں آتا۔الیکشن کمیشن اور عدلیہ سے درخواست ہے کہ 70 کیسز کا جلد فیصلہ ہو ، تاکہ مینڈیٹ اس کو ملے جس کا ہے۔ہم نے یہ اعلان کیا ہے کہ ن لیگ ، پی پی پی سے اتحاد نہیں کریں گے، بیرسٹر گوہر علی نے کہا کہ بانی چئیرمین کا ہیغام ہے کہ پی ٹی آئی کی شئیرنگ کی سیاست نہیں ہے ،اس لیے ہم ان کے ساتھ کوئی پاور شئیر نہیں کریں گے،ہمارے پاس پنجاب کے پی اور وفاق میں حکومت بنانے کی پوزیشن ہیں۔

پنجاب میں وزیر اعلی کے امید وار میاں اسلم ہوں گے۔بلوچستان میں ہمارے وزیر اعلیٰ کے امیدوار سالار خان ہوں گے، پاکستان تحریک انصاف نے بروز ہفتہ ملک بھر میں احتجاج کا اعلان بھی کیا۔شیر افضل مروت نے کہا کہ ہفتے کو تمام سیاسی جماعتوں کو احتجاج میں شرکت کی دعوت دیتے ہیں۔جو جماعتیں سمجھتی ہیں کہ انتخابات میں دھاندلی ہوئی وہ ہمارے ساتھ احتجاج میں شریک ہوں۔ تحریک انصاف کل بین الاقوامی میڈیا کے سامنے دھاندلی سے متعلق وائٹ پیپر جاری کرے گی۔ شیر افضل مروت نے یہ بھی کہا کہ کوئی انتشار کرے تو ان کو روکیں، کوئی تشدد کرے تو ان کا تشدد برداشت کرنا ہے۔