اسلام آباد (نیوزڈیسک) احتساب عدالت میں زیر سماعت سابق صدرپاکستان آصف زرداری، سابق وزرائے اعظم نوازشریف، یوسف رضا گیلانی اور دیگر کے خلاف توشہ خانہ گاڑیوں کے ریفرنس میں سماعت بغیر کارروائی ملتوی کر دی گئی۔

بدھ کو نئے تعینات جج ناصر جاوید رانا کے چارج نہ لینے کے باعث کوئی کارروائی نہ ہو سکی۔عدالت نے ملزمان کی حاضری لگانے کے بعد سماعت13 مارچ تک کیلئے ملتوی کر دی۔ بعد ازاں نواز شریف کے وکیل قاضی مصباح کی استدعا پر سماعت کی تاریخ تبدیل کرتے ہوئے6 مارچ مقرر کردی گئی۔