اسلام آباد(نیوزڈیسک) اسلام آباد ہائی کورٹ نے تحریک انصاف کے بانی چیئرمین عمران خان اور ان کی اہلیہ بشری بی بی کی نکاح کیس میں سزا معطلی کی درخواست پر سیشن کورٹ کو 10 روز میں فیصلہ کرنے کا حکم دے دیا جبکہ نکاح کیس کی اپیل کا فیصلہ ایک ماہ میں کرنے کا حکم دے دیا ہے.

اسلام آباد ہائی کورٹ میں جسٹس میاں گل حسن اورنگزیب نے نکاح کیس میں عمران خان اور بشریٰ بی بی کی درخواستوں پر سماعت کی واضح رہے کہ سابق وزیراعظم عمران خان نے استدعا کر رکھی تھی کہ سیشن جج محفوظ فیصلہ سنائیں عمران خان نے عدالت سے ایک اور استدعا کر رکھی تھی کہ دوسری صورت اپیل خود ہائی کورٹ سنے‘دوسری جانب بشریٰ بی بی نے سیشن کورٹ میں زیرِ التوا سزا معطلی کی درخواست سن کر فیصلہ کرنے کی استدعا کر رکھی تھی.

دوران سماعت عمران خان کے وکیل سلمان اکرم راجہ نے کہا کہ میں اپنے کریئر میں کبھی نہیں دیکھا کہ کسی جج نے اس طرح اچانک کیس ٹرانسفر کیا ہو سیشن جج نے کیس سنا تھا اب ایڈیشنل سیشن جج کو ٹرانسفر کر دیا گیا سلمان اکرم راجہ نے دلائل میں کہا کہ ہماری استدعا ہے سیشن جج شاہ رخ ارجمند کو محفوظ فیصلہ سنانے کی ہدایت کی جائے یا پھرعدالت خود اپیل سن کر فیصلہ کرے تیسری صورت یہ ہے کہ اپیل سیشن جج ویسٹ کو ٹرانسفر کی جائے عدالت سیشن کورٹ کے لیے اپیل کا فیصلہ کرنے کے لیے وقت مقرر کرے.
درخواستوں کی سماعت کے دوران خاور مانیکا عدالت میں پیش نہیں ہوئے ان کے وکیل راجہ رضوان عباسی عدالت میں پیش ہوئے تھے دوسری جانب خاور مانیکا نے ایڈیشنل سیشن جج افضل مجوکا کی عدالت میں وکیل کی تبدیلی کی درخواست دائرکر کھی ہے خاور مانیکا کے وکیل رضوان عباسی نے اپیل ایڈیشنل سیشن جج سے سیشن جج کو ٹرانسفر کرنے کی مخالفت کردی اور کہا کہ اس عدالت کے ایڈمنسٹریٹر آرڈر کو بلواسطہ یا بلا واسطہ چیلنج نہیں کیا جا سکتا.
اسلام آباد ہائیکورٹ نے نکاح کیس کی اپیل کافیصلہ بھی ایک ماہ میں کرنے کا حکم دیا تاہم عدالت نے عمران خان کے وکیل کی طرف سے یہ اپیلیں کسی دوسری عدالت میں منتقل کرنے کی استدعا مسترد کردی اور کہا کہ ایڈیشنل سیشن جج محمد افضل مجوکا ہی ان درخواستوں کی سماعت کریں گے. دوسری جانب ڈسٹرکٹ اینڈ سیشن کورٹ اسلام آباد نے اسلام آباد میں توڑ پھوڑ اور ہنگامہ آرائی سے متعلق مقدمے میں سابق وزیراعظم عمران خان، وائس چیئرمین شاہ محمود قریشی، عوامی مسلم لیگ کے سربراہ شیخ رشید کو بری کر دیا ہے ڈسٹرکٹ اینڈ سیشن کورٹ اسلام آباد نے عمران خان، شاہ محمود قریشی، شیخ رشید اور دیگر نے بریت کے لیے دائر درخواستوں پر پہلے سے محفوظ فیصلہ سنایا ہے یاد رہے کہ عمران خان، شاہ محمود قریشی، شیخ رشید اور دیگر کے خلاف تھانہ آئی نائن میں مقدمہ دفعہ 144کی خلاف ورزی، توڑ پھوڑکی دفعات کے تحت 2022 میں مقدمہ درج کیا گیا تھا.
ڈسٹرکٹ اینڈ سیشن کورٹ اسلام آباد نے صداقت عباسی، علی نواز اعوان کو بھی بری کردیا ڈسٹرکٹ اینڈ سیشن کورٹس اسلام آباد تحریک انصاف کے راہنما شہریار خان آفریدی پرنو مئی واقعات پر تھانہ آئی نائن میں درج مقدمہ عدالت نے شہریار خان آفریدی اور دیگر ورکرز کو بری کردیا ہے جوڈیشل مجسٹریٹ ملک محمد عمران نے محفوظ فیصلہ سنادیا شہریار آفریدی اور ورکرز پر نو مئی کو جلاو¿ گھیراﺅ اور توڑ پھوڑ کی دفعات کے تحت مقدمہ درج تھا.