روالپنڈی(نیوزڈیسک) پنجاب فرانزک سائنس ایجنسی کی ٹیم سابق وزیر اعظم عمران خان کا پولی گرافک، وائس میچنگ اور فوٹو گرامیٹری ٹیسٹ کرنے اڈیالہ جیل پہنچ گئی ہے جو لاہور میں درج 9 مئی کے مقدمات کی تفتیش میں مددفراہم کرئے گی .

نجی ٹی وی کے مطابق پنجاب فرانزک کے عابد ایوب، انسپکٹر وقاص خالد بھی اڈیالہ جیل پہنچے ہیں پنجاب فرانزک سائنس کے ماہرین کے ساتھ لاہور پولیس کی تفتیشی ٹیم بھی موجود ہے لاہور پولیس ٹیم گیٹ 5 سے اڈیالہ جیل کے اندر گئی، لاہور پولیس ٹیم ڈپٹی سپرنٹنڈنٹ پولیس (ڈی ایس پی) جاوید کی سربراہی میں اڈیالہ جیل کے اندر روانہ ہو ئی جس میں انسپکٹر رانا اکمل، رانا ارحم، عالم لنگڑیال، رانا منیر اور محمد علی شامل ہیں. لاہور پولیس ٹیم عمران خان سے 9 مئی واقعات سے متعلق مختلف سوالات کرے گی یاد رہے کہ گزشتہ روز بھی لاہور میں درج 9 مئی واقعات کی تفتیش کے دوران سابق وزیر اعظم عمران خان کا پہلی مرتبہ پولی گرافک ٹیسٹ کرنے فرانزک ٹیم لاہور سے اڈیالہ جیل پہنچ تھی لاہور پولیس نے عمران خان کا 10 روزہ جسمانی ریمانڈ حاصل کر رکھا ہے لاہور کی ٹیم عمران خان سے کی گئی تفتیش پرپیش رفت رپورٹ عدالت پیش کرے گی.