لاہور(نیوزڈیسک) پاکستان تحریک انصاف 5 اگست کو صوابی میں جلسہ کرے گی، جس کے لئے لاہور کے ٹکٹ ہولڈرز اور ارکان اسمبلی کو صوابی جلسے میں شرکت کی ہدایت کی گئی ہے۔پنجاب سے پاکستان تحریک انصاف اور سنی اتحاد کونسل کے ارکان صوابی جائیں گے۔

اپوزیشن لیڈر پنجاب اسمبلی ملک احمد خان بھچر بھی صوابی جائیں گے۔انفارمیشن سیکریٹری پی ٹی آئی پنجاب شوکت محمود بسرا بھی صوابی جائیں گے۔ واضح رہے کہ پی ٹی آئی کی جانب سے جلسے کو کامیاب بنانے کے لئے بھر پور تیاریاں کی جارہی ہیں۔ گزشتہ دنوں چیئرمین تحریک انصاف بیرسٹر گوہر نے کہا تھا کہ 5 اگست کوسب سے بڑا جلسہ کرنے جارہے ہیں صوابی جلسہ میں ملک بھرسے لوگ آئیں گے۔