اسلام آباد (مانیٹرنگ ڈیسک) پاک فضائیہ کے سربراہ ائیر چیف مارشل سہیل امان نے بحیثیت مہمان خصوصی پی اے ایف بیس سمنگلی کوئٹہ میں ایک تقریب سے خطاب کرتے ہوئے انہوں نے کہا کہ ہمیں پاکستان کے دشمنوں کی سازشوں کا بخوبی ادراک ہےلیکن ہمارا عزم غیر متزلزل اور مقصد بالکل واضح ہے،ہم ایک امن پسند قوم ہیں

اور نہیں چاہتے کہ کوئی ہماری فضائی حدود کی خلاف ورزی کرے، ہم نے دہشت گردی کے ناسور کو جڑ سے اکھاڑنے کیلئے ہر ممکن کوشش کی ہے۔ پاک فضائیہ کے ترجمان کا کہنا ہے کہ پاکستان کی فضائیہ نے آج ایک اور سنگ میل عبور کیا جب فخر پاکستان جے ایف 17تھنڈر سے لیس ایک نئے ملٹی رول سکواڈرن کا قیام عمل میں لایا گیا۔ سکواڈرن کو نمبر 28 ملٹی رول سکواڈرن کا نام دیا گیا ہے جس کا نعرہ ہے ’’خودی کو جس نے فلک سے بلند تر دیکھا‘‘۔ اس موقع پر ائیر چیف کو بیس کے چاق و چوبند دستے نے گارڈ آف آنر پیش کیا۔ انہوں نے اس سکواڈرن کے آفیسر کمانڈنگ، ونگ کمانڈر عامر عمران چیمہ کو سکواڈرن کا نشان عطا کیا۔ اس تقریب کو یادگار بنانے کے لیے چار جے ایف 17 تھنڈر طیاروں کی فارمیشن نے فلائی پاسٹ کا شاندار مظاہرہ کیا، تقریب سے خطاب کرتے ہوئے ائیر چیف سہیل امان نے مزید کہا کہ اللہ تعالیٰ کے فضل و کرم سے ہماری جدوجہد کے صلہ میں ملک میں امن کی بحالی ممکن ہوئی ہے۔ انہوں نے کہا کہ آج سے جے ایف 17 تھنڈر طیاروں سے لیس نمبر 28 ملٹی رول سکواڈرن کے ذمہ پاکستان کی مغربی سرحدوں کی فضائی حدود کی دن رات نگرانی ہے۔

The post ’’خودی کو جس نے فلک سے بلند تر دیکھا‘‘ پاک فضائیہ نے پاکستان کا دفاع ناقابل تسخیر بنا دیا، جے ایف 17 تھنڈر کے بعد ایسا کام کر دیا کہ دشمن کی راتوں کی نیندیں اڑ گئیں appeared first on JavedCh.Com.