اسلام آباد (مانیٹرنگ ڈیسک)اسلام آباد کی انتظامیہ نے دارالحکومت کی مساجد و امام بارگاہوں میں جمعہ کے خطبات کے موضوعات اور قواعد و ضوابط کی تیاری کیلئے کمیٹی تشکیل دے دی۔تشکیل دی گئی 12 رکنی کمیٹی میں چاروں بڑے مسالک کی مساجد کے پیش امام شامل ہیں۔اسلام آباد کی ضلعی انتظامیہ کی جانب سے علمائے کرام کی کمیٹی کا نوٹیفکیشن جاری کردیا گیا۔نوٹی فکیشن کے مطابق کمیٹی اسلامی تعلیمات کی روشنی میں جمعہ کے خطبات کے موضوعات

تیار کریگی اور خطبات کے قواعد و ضوابط تیار کرکے ایک ہفتے میں رپورٹ دے گی۔نوٹی فکیشن میں کہا گیا کہ خطبات کے قواعد و ضوابط کی تیاری کا مقصد بین المسالک ہم آہنگی برقرار رکھنا ہے جبکہ اس اقدام سے نفرت آمیز اور جذبات کو مجروع کرنے والی تقاریر کی روک تھام ممکن ہوسکے گی۔نجی ٹی وی کے مطابق ضلعی انتظامیہ کا نوٹی فکیشن میں کہنا تھا کہ اس اقدام سے ملک میں دہشت گردی کی کارروائیاں کم کرنے میں بھی مدد ملے گی۔

The post حکومت نے بڑا فیصلہ کرلیا،خطبات جمعہ کے موضوعات،قواعد و ضوابط کی تیاری کیلئے کمیٹی تشکیل ، حیرت انگیز تفصیلات منظر عام پر appeared first on JavedCh.Com.