نیوز ڈیسک : پاکستان کی معیشت کے حوالے سے آئی ایم ایف کی رپورٹ جاری کردی گئی ہے،رپورٹ میں بتایا گیا ہے کہ پاکستان کو آئندہ ماہ بجلی کی قیمت ڈھائی روپے فی یونٹ بڑھانا ہوگی ۔

آئی ایم ایف کی رپورٹ میں بتایا گیا ہے کہ پاکستان کو 6 ارب ڈالر کا قرض کِن شرائط پر ملے گا۔ نئی تفصیلات کے مطابق پاکستان کو آئندہ ماہ بجلی کی قیمت ڈھائی روپے فی یونٹ بڑھانا ہوگی، ستمبر تک حکومت اور نیپرا بجلی کے نئے نرخوں کا نوٹیفکیشن جاری کرے گی۔

رپورٹ میں کہا گیا ہے کہ پاکستان کو معیشت کی بہتری کیلئے 25 ارب ڈالرز درکار ہیں، پاکستان کو ایف اے ٹی ایف کے 27 نکات پر عملدرآمد کو یقینی بنانا ہوگا۔

آئی ایم ایف کی رپورٹ میں یہ بھی بتایا گیا ہے کہ بجٹ میں پاکستان نے 733 ارب 50 کروڑ روپے کے نئے ٹیکس لگائے ہیں، پاکستان کو ستمبر تک 1 ہزار ارب روپے کے ٹیکسز جمع کرنے ہونگے۔