میرپور(نیوز ڈیسک) میرپور آزاد کشمیر میں لوگوں نے بکری کو بچانے کے لیے 15 فٹ لمبا اژدھا مار دیا۔تفصیلات کے مطابق میرپور آزاد کشمیر کے نواحی علاقے چتر پڑی کے مقام پر 15 فٹ لمبا اژدھا نکل آیا، شہریوں نے ڈنڈوں کے وار سے اژدھے کو مار دیا۔
رپورٹ کے مطابق اژدھے نے بکری کو نگلنے کی کوشش کی جس پر مقامی افراد نے ڈنڈوں کے وار کرکے اژدھا مار دیا۔

لوگوں کی بڑی تعداد اژدھے کو دیکھنے کے لیے جمع ہو گئی، لوگوں نے اژدھے کے ساتھ سیلفیاں بھی بنوائیں۔اس حوالے سے کچھ ویڈیوز بھی سوشل میڈیا پر وائرل ہیں جن میں 15 فٹ لمبے اژدھے کو دیکھا جا سکتا ہے۔ لوگوں نے اسی علاقے میں پہلے بھی کئی اژدھے پکڑے ہیں جنہیں وائلڈ لائف کے اہلکاروں کے حوالے کر دیا جاتا تھا۔