وزیراعظم نوازشریف نے کہا ہے کہ پاکستان ابھرتی ہوئی معیشت اورعوام کی ترقی کے لیے کوشاں ہے۔کا ہینگ ژو میں معروف ای کامرس کمپنی علی بابا گروپ کے ہیڈ کوارٹرز کے دورے کے موقع پر تقریب سے خطاب میں نواز شریف کا کہنا تھا کہ پاکستان میں آئی ٹی شعبے کو فروغ دیا ہے،آئی ٹی کے فروغ سے ڈیجیٹل ٹرانزیکشنز میں مدد ملی ہے، پاکستان میں ای کامرس کے شعبےمیں سرمایہ کاروںکے لیےوسیع مواقع ہیں۔تقریب سے خطاب میں وزیراعظم کا کہنا تھا کہ ای کامرس سےوقت کی بچت اور معلومات تک آسان رسائی ممکن ہوتی ہے،گزشتہ 4 سال میں ای کامرس کے لئے بنیادی ڈھانچہ فراہم کیاہے۔وزیراعظم نواز شریف نے مزید کہا کہ جنوری میں علی باباگروپ کے چیئرمین سے ہونےوالی ملاقات مفیدثابت ہوئی،گروپ کے ایگزیکٹوچیئرمین کی خدمات قابل تعریف ہیں۔