اسلام آبا(نیوزڈیسک) وزیر داخلہ راناثناء اللہ کا کہنا ہے کہ آرمی چیف وہ ہو گا جس پر صدرمملکت سمیت کسی کو اعتراض نہیں ہو گا۔عسکری و سیاسی قیادت دونوں کے لیے کوئی سرپرائز نہیں ہو گا۔انہوں نے سماء نیوز سے گفتگو کرتے ہوئے مزید کہا کہ نام تب فائنل ہو گا جب وزیراعظم کو سمری موصول ہو گی۔جو نام فائنل کریں گے وہی حتمی ہو گا یہ وزیراعظم کی صوابدید ہے۔
آرمی چیف کے لیے تین ، چار یا پانچ نام بھی سامنے آ سکتے ہیں۔اگلے دو سے چار دن میں آرمی چیف کی تعیناتی کا عمل شروع ہو جائے گا، آرمی چیف دو دن پہلے اور دو ماہ پہلے بھی لگائے جاتے رہے ہیں۔ راناثناء اللہ نے کہا کہ میرا تجربہ ہے کہ حساس نوعیت کے فیصلے سے پہلے اتفاق رائے ہوتا ہے، اہم تعیناتی پر اختیار وزیراعظم کا ہے، اس پراتفاق رائے ہوچکا ہے، تعیناتی کا معاملہ پیپر پر آنا باقی رہ گیا ہے، رسمی اعلان باقی ہے۔

انہوں نے کہا کہ مشاورت سے مراد کسی کا اختیار تو نہیں ہوتا، وزیراعظم کسی سے بھی پوچھ سکتےہیں، بالآخرفیصلہ انہوں نے ہی کرنا ہے۔ وفاقی وزیر رانا ثنا اللہ نے کہا کہ یہ کسی کو سرپرائز دینے والی بات نہیں ہے، وزیراعظم مشاورت کرچکے ہیں، ایک دو دنوں میں پیپرپر آجائے گا، اس میں کوئی حرج نہیں، اسحاق ڈار کی مدد جہاں درکار تھی وہ حاصل کی گئی ہے، کوئی ایسی بات نہیں کرنا چاہتا کہ فیصلے سے پہلے قیاس آرائی ہو، میری رائے میں تعیناتی پر اس سےزیادہ تاخیر شاید مناسب نہیں ہوگا، ایک دو دنوں میں یہ فیصلہ سامنے آجائےگا، فیصلے سے مراد آرمی چیف کی تعیناتی ہے۔
انہوں نے کہا کہ عمران خان کو نہ اپنی عزت کا خیال ہے نہ کسی اور کی عزت کا، اس نے2014 سے اب تک مسلسل غلط بیانی کی، توہین کرنےکی کوشش کی، عمران خان کو معلوم ہےکہ وقت سے قبل الیکشن نہیں ہوسکتا، لانگ مارچ میڈیا میں ہی ہے اور کہیں نظر نہیں آ رہا۔ وفاقی وزیر رانا ثنا نے کہا کہ ہم پی ٹی آئی والوں سے بات کریں بھی تو عمران ان کی بات نہیں مانتا، پرویز خٹک، شاہ محمود، فواد چوہدری سے ہماری بات پہلے بھی ہوتی رہی ہے، ۔