اہور (نیوزڈیسک) وزیراعظم شہباز شریف کو ان کے مشیر سیاحت و کھیل عون چوہدری نے جہانگیر ترین کا خصوصی پیغام پہنچایا۔آج وزیراعظم شہباز شریف سے عون چوہدری نے ملاقات کی۔ملاقات میں ملکی معاملات، پنجاب کی سیاسی صورتحال اور محکمانہ امور پر گفتگو بھی ہوئی۔اس ملاقات کے دوران عون چوہدری نے وزیراعظم شہباز شریف کو جہانگیر ترین کا خصوصی پیغام پہنچایا۔
قبل ازیں وزیراعظم کی زیر صدارت پارٹی رہنماؤں کا بھی اجلاس ہوا۔ اجلاس میں پنجاب اسمبلی کو توڑنے سے بچانے کے لیے تمام آپشنز بھی زیر غور آئے۔اجلاس میں سعد رفیق، ایاز صادق، عطاتارڑ سمیت مسلم لیگ ن کے سینئر رہنما شریک ہیں۔اجلاس میں ملکی سیاسی صورتحال پر تبادلہ خیال کیا گیا۔اجلاس میں پنجاب کی سیاسی صورتحال پر مشاورت کی گئی۔

پنجاب اسمبلی کی تحلیل سے متعلق پارٹی حکمت عملی پر بھی مشاورت کی گئی۔

۔ اجلاس میں ممکنہ اعلان کے بعد کی حکمت عملی کے مختلف آپشنز پر ہر پہلو سے غورکیا گیا اور اس حوالے سے اتحادیوں کو بھی اعتماد میں لینے کا فیصلہ کیا گیا ۔مسلم لیگ ن نے تمام ارکان پنجاب اسمبلی کو لاہور پہنچنے کی ہدایت کی ہے۔لیگی ذرائع کے مطابق اراکین اسمبلی آئندہ ہفتے لاہور میں ہی رہیں گے۔ وزیراعظم شہباز شریف کا کہنا ہے کہ ن لیگ کسی صورت غیر جمہوری عمل کا حصہ نہیں بنے گی۔
اجلاس میں فیصلہ کیا گیا کہ گورنر کے ذریعے اعتماد ووٹ کا کہا جائے گا۔وزیراعظم شہباز نے عمران خان کے خلاف کیسز میں تیزی لانے کی بھی ہدایت کی۔وزیراعظم نے معاشی پیکج لانے کا عمل تیز کرنے کی بھی ہدایت کی۔ وزیراعظم شہباز شریف کی زیر صدارت ماڈل ٹاؤن میں اجلاس ہوا۔۔جبکہ مسلم لیگ (ن)نے وزیراعلی پنجاب چوہدری پرویز الٰہی اور سپیکر سبطین خان کے خلاف تحریک عدم اعتماد لانے کے آپشن کے طور پرپارٹی کے اراکین اسمبلی سے دستخط کرا لیے۔