لاہور (نیوزڈیسک) وزیر داخلہ راناثناء اللہ کا کہنا ہے کہ کل پرویز الہٰی نے اعتماد کا ووٹ نہ لیا تو وزیراعلیٰ ہاوس سیل کر دیں گے۔انہوں نے میڈیا سے گفتگو کرتے ہوئے کہا کہ ایک پاگل آدمی حکومت کو حادثے سے دوچار کر رہا ہے اور سسٹم کو بھی حادثے سے دوچار کر رہا ہے۔اس پاگل انسان کا علاج نہ کیا گیا تو ملک کو کسی حادثے سے دوچار کر دے گا۔
راناثناء اللہ نے مزید کہا کہ جب 99 فیصد لوگ اسمبلیاں نہیں توڑنا چاہتے تو پھر پرویز الہیٰ کیوں اسمبلی توڑ رہے ہیں۔آصف زرداری سمیت ہم سب آپس میں رابطے میں ہیں، کل پرویز الہٰی نے اعتماد کا ووٹ نہ لیا تو وزیراعلیٰ ہاوس سیل کر دیں گے ۔جب کہ لیگی رہنما ملک احمد خان کا کہنا ہے کہ پرویز الہٰی کہہ رہے ہیں وہ پی ٹی آئی کے ساتھ ہیں۔

عمران خان جو تنقید کررہے ہیں اس کا میرٹ دیکھے۔

ہم سیاسی بات کررہے تھے اس کا کسی کی ذات سے تعلق نہیں تھا۔۔دوسری جانب اسپیکر پنجاب اسمبلی سبطین خان نے گورنر کے طلب کردہ اجلاس کو غیر آئینی قرار دے دیا ۔ اسپیکر پنجاب اسمبلی سبطین خان کا کہنا ہے کہ اجلاس پہلے ہی چل رہا ہے۔گورنر کے طلب کردہ اجلاس کو درست نہیں سمجھتا۔ ایک وقت میں اجلاس چل رہا ہو تو نیا اجلاس نہیں طلب کیا جا سکتا۔
موجودہ اجلاس اسپیکر کا طلب کردہ ہے جسے گورنر ختم نہیں کر سکتا۔ انہوں نے کہا کہ اسمبلی سیکرٹریٹ گورنر کے طلب کردہ اجلاس کا گزٹ نوٹیفیکیشن جاری نہیں کرے گا۔خیال رہے کہ گورنر پنجاب بلیغ الرحمان نے پنجاب اسمبلی کا اجلاس 21 دسمبر کو طلب کر لیا ہے۔ گورنر پنجاب کی جانب سے کہا گیا ہے کہ وزیر اعلٰی پنجاب ارکان اسمبلی کا اعتماد کھو چکے ہیں، لہذا پرویز الہٰی کو 21 دسمبر کو طلب کیے گئے اجلاس میں اعتماد کا ووٹ لینا ہو گا۔ بلیغ الرحمان کی جانب سے بدھ کی شام 4 بجے اعتماد کے ووٹ کیلئے اجلاس طلب کیا گیا ہے۔