ملکی تجارت کو شدید جھٹکا لگا ہے، کراچی پورٹ کے ٹرمینل پر جہازوں کی آمد بندہوگی،ہڑتال کے باعث کے آئی سی ٹی جہازوں کی آمد اور مال اتارنےکےقابل نہیں رہا۔کے آئی سی ٹی نے شپنگ لائنز کو خط لکھا ہے کہ شپنگ لائنز ٹرمینل پر نہ آئیں۔شپنگ ماہرین کا کہنا ہے کہ تاریخ میں جنگ کےعلاوہ بندرگاہوں پر جہازوں کی آمد کبھی نہیں روکی گئی۔ادھر گڈز ٹرانسپورٹرز کی 8 روز سے جاری ہڑتال کے سبب کراچی بندرگاہ کے تین میں سے دو کنٹینر ٹرمینلز پر مال رکھنے کی گنجائش تقریباً ختم ہو گئی ہے،ٹرمینلز انتظامیہ سر توڑ کوشش میں مزید سامان رکھنے کی گنجائش میں ہے۔شپنگ ذرائع کا کہنا ہے کہ دونوں ٹرمینلز پر رش کے سبب سامان رکھنے کی اسپیڈ 95 فیصد تک کم ہو گئی ہے جس کے سبب دونوں ٹرمینلز پر مزید جہاز آنے پر سوالیہ نشان لگ گئے ہیں۔ماہرین کے مطابق اتنی کم اسپیڈ کے سبب جہازوں کی لمبی قطاریں اور طویل انتظار کے سبب جہاز ان دو ٹرمینلز پر آنے سے معذرت بھی کرسکتے ہیں۔دوسری طرف بندرگاہوں پر پھنسے ہزاروں کنٹینرز پر جرمانہ بھی عائد ہونا بھی شروع ہوگیا ہے۔ڈی آئی جی ٹریفک کے مطابق ٹرانسپورٹرز کے مطالبات غیر ضروری ہیں کیونکہ اب بھی شہر کے صنعتی علاقوں کا راستہ کھلا ہے۔