راولپنڈی (نیوزڈیسک) پاک فوج کے سپہ سالار جنرل عاصم منیر کی زیرصدارت کورکمانڈرز کانفرنس میں عزم کیا گیا کہ عوام کی امنگوں کے مطابق بلاتفریق دہشتگردی کا خاتمہ کیا جائے گا، دہشتگردی کیخلاف جنگ بھرپور انداز میں جاری رہے گی۔

پاک فوج کے شعبہ تعلقات عامہ آئی ایس پی آر کے مطابق چیف آف آرمی سٹاف جنرل سید عاصم منیر کی زیرصدارت 254ویں کورکمانڈرز کانفرنس منعقد ہوئی، کورکمانڈرزکانفرنس 27 اور 28 دسمبر دو دن تک جی ایچ کیو میں جاری رہی۔




کورکمانڈرز کانفرنس میں فوج کے پیشہ ورانہ اور تنظیمی امور کا تفصیلی جائزہ لیا گیا۔ کورکمانڈرز کانفرنس میں عوام کی امنگوں کے مطابق دہشتگردوں سے بلاتفریق لڑنے کا عزم کیا گیا۔ اسی طرح کورکمانڈرز کانفرنس میں دہشتگردی کی لعنت کو ختم کرنے کا بھی عزم کیا گیا۔