لاہور (نیوزڈیسک) وفاقی وزیر داخلہ رانا ثنا اللہ نے کہا ہے کہ مسترد شدہ پراپیگنڈا گروہ صرف پراپیگنڈا کر رہا ہے، معیشت ، الیکشن اور قومی مفاد پر سیاست کی جا رہی ہے، عمران خان کو اقتدار میں ہوتے ہوئے بلدیاتی الیکشن یاد کیوں نہیں آئے،مسٹر فراڈیا دھاندلی زدہ الیکشن چاہتا ہے۔ یہ سہولت اب ختم ہوچکی ہے۔
اسلام آباد کے بلدیاتی انتخابات پر بات کرتے ہوئے وزیرداخلہ رانا ثنااللہ کا کہنا تھا کہ بلدیاتی الیکشن اپریل 2020میں ہونے تھے، عمران خان نے دو سال تک بلدیاتی انتخابات سے کیوں بھاگتا رہا، اقتدار میں رہتے ہوئے الیکشن کیوں نہیں کرائے، جعلی صادق اور امین پنجاب اور خیبر پختونخوا میں الیکشن کیوں نہیں کراتا۔رانا ثنااللہ نے کہا کہ بلدیاتی الیکشن قانون کے مطابق ہوں گے، دو سال تک الیکشن نہ کرانے والا چند گھنٹے میں الیکشن کرانا چاہتا ہے، مسٹر فراڈیا دھاندلی زدہ الیکشن چاہتا ہے۔

یہ سہولت اب ختم ہوچکی ہے۔وزیرداخلہ نے کہا کہ الیکشن کمیشن کے پاس کون سی جادو کی چھڑی ہے کہ چند گھنٹے میں الیکشن کرا دے، چند گھنٹے میں شفاف الیکشن نہیں صرف جھرلو الیکشن ہوسکتا ہے، اسلام آباد کے لاکھوں شہریوں کا کیا قصور ہے کہ انہیں حق رائے دہی سے محروم کر دیا جائے۔