لاہور (نیوزڈیسک) پاکستان مسلم لیگ (ن) کے صدر و وزیراعظم محمد شہباز شریف نے خواتین اراکین پنجاب اسمبلی کے تحفظات دور کرنے کی ہدایت کرتے ہوئے سینئر رہنمائوں کو ٹاسک سونپ دیا ۔
ذرائع کے مطابق مسلم لیگ (ن) کی خواتین ارکان کے تحفظات کے معاملے پر وزیر اعظم شہباز شریف نے پارٹی کی سینئر قیادت کو خواتین ایم پی ایز کے تحفظات دور کرنے کی ہدایت کر تے ہوئے کہا کہ سینئر قائدین فوری طور پر خواتین ارکان سے ملاقاتیں کریں، کسی خاتون رکن کے تحفظات ہیں تو انہیں فوری ختم کیا جائے۔

شہباز شریف نے رانا ثنا اللہ اور سعد رفیق کی سربراہی میں 2رکنی کمیٹی بھی تشکیل دے دی۔پارٹی صدر شہباز شریف نے مزید کہا کہ مستقبل کے لائحہ عمل کے بارے میں خواتین ارکان کو اعتماد میں لیا جائے، (ن) لیگ کی پنجاب میں حکومت آنے پر انہیں مزید ترجیح دی جائے گی۔ذرائع کے مطابق رانا ثنااللہ اور سعد رفیق آج (منگل ) سے خواتین ارکان سے ملاقاتیں شروع کریں گے۔