اسلام آباد (نیوزڈیسک) ملک کے بیشتر علاقوں میں موسم سرد اور خشک ر ہے گا جبکہ میدانی علا قوں میں شدید دھند پڑنے کا امکان ہے ۔ محکمہ موسمیات کے مطابق آج جمعرات کے روز ملک کے بیشتر علاقوں میں موسم سرد اور خشک جبکہ بالائی علاقوں اور شمالی بلوچستان میں شدید سرد ر ہے گا۔

پنجاب ،خیبر پختونخوا کے میدانی علا قوں اوربالائی سندھ میں شدید دھند جبکہ خطۂ پوٹھوہار میں صبح کے اوقات میں کہر پڑنے کا امکان ہے۔

گذشتہ 24 گھنٹے کے دوران ملک کے بیشتر علاقوں میں موسم سرد اور خشک جبکہ بالائی علاقوں اور شمالی بلو چستان میں شدید سرد رہا۔ پنجاب کے میدانی علاقے شدید دھند کی لپیٹ میں رہے۔ اس دوران ملک میں کم سےکم درجہ حرارت لہہ منفی 17 ،اسکردو منفی 12،استور منفی 11،زیارت، گوپس منفی 10،کالام منفی 09، قلات منفی 08،کوئٹہ،گلگت، بگروٹ ، پاراچنارمنفی 06،دیراور راولاکوٹ میں منفی 05ڈگری سینٹی گریڈ ریکارڈ کیا گیا۔