اسلام آباد (نیوزڈیسک) صدر مملکت عارف علوی کی جانب سے وزیراعظم شہباز شریف کو اعتماد کا ووٹ لینے کے خدشے کے پیش نظر اتحادیوں سے رابطے تیز کر دئیے ہیں۔اے آر وائی نیوز کی رپورٹ کے مطابق وزیراعظم شہباز شریف سے اعتماد کا ووٹ لینے کے خدشے کے پیش نظر اتحادی حکومت نے مشترکہ حکمت عملی اپنانے کے لیے کوشش شروع کر دی۔
وفاقی حکومت نے اراکین پارلیمنٹ کو اسلام آباد پہنچنے کی ہدایت کر دی۔رپورٹ کے مطابق سینیٹ اور قومی اسمبلی اجلاس سے قبل مشاورت اجلاس اور سینیٹ میں حکومتی اتحادیوں کی مشترکہ پارلیمانی پارٹی کا اجلاس آج طلب کر لیا۔اجلاس کی صدارت وفاقی وزیر قانون اعظم نذیر تارڑ اور سینیٹر مانڈوی والا کریں گے۔ذرائع کے مطابق قومی اسمبلی اور سینیٹ کےاراکین کو حاضری یقینی بنانے کی ہدایت کر دی گئی۔

وزیر اعظم کے خلاف اعتماد کے ووٹ کی کارروائی کے لیے پی ٹی آئی نے پارٹی میں لابنگ تیز کر دی۔صدر مملکت کو جلد وزیراعظم کو اعتماد کا ووٹ لینے کے لیے کہے جانے کا امکان ہے۔پی ٹی آئی نے یہ فیصلہ ایم کیو ایم کے تحفظات کو دیکھتے ہوئے کیا تھا۔عمران خان کی جانب سے وزیراعظم کے خلاف عدم اعتماد کی کارروائی کی منظوری دے دی گئی ،صدر مملکت عارف علوی جلد وزیراعظم کو اعتماد کا ووٹ لینے کے لیے کہیں گے۔
ترجمان پی ٹی آئی فواد چودھری نے کہا ہے کہ صدر مملکت کا آئینی اختیار ہے وہ وزیراعظم کو اعتماد کا ووٹ لینے کا کہہ سکتے ہیں، وفاقی حکومت الیکشن سے کب تک بھاگ لے گی انتخابات تو کرانا ہوں گے، وقت ہے پاکستان کو امتحانات میں نہ ڈالیں الیکشن فریم ورک پر بات کریں۔انہوں نے زمان پارک میں میڈیا سے گفتگو کرتے ہوئے کہا کہ پنجاب اسمبلی کی تحلیل کے بعد خیبرپختونخواہ اسمبلی تحلیل کی جائے گی، خیبرپختونخواہ اسمبلی تحلیل کا حکم جلد جاری کردیا جائے گا۔