پشاور(نیوزڈیسک) خیبرپختونخواہ کے خیبر میں تختہ بیگ پولیس چیک پوسٹ پر دہشتگردوں نے خودکش حملہ کردیا، حملے میں 2 پولیس اہلکار شہید اور ایک زخمی ہوگئے، پولیس کی جانب سے بھرپور جوابی کاروائی کی گئی۔

میڈیا رپورٹس کے مطابق خیبر میں تختہ بیگ پولیس چیک پوسٹ پر دہشتگردوں نے خودکش حملہ کردیا ہے، چیک پوسٹ پر حملے میں 2 پولیس اہلکار شہید اور ایک زخمی ہوگئے ہیں۔

پولیس کا کہنا ہے کہ چیک پوسٹ پر دہشتگردوں نے فائرنگ اور بارودی مواد سے حملہ کیا۔ زخمیوں کو حیات میڈیکل کمپلیکس منتقل کردیا گیا ہے۔ بعد ازاں بتایا گیا ہے کہ دہشتگرد حملے میں زخمی ہونے والا تیسرا زخمی بھی دم توڑ گیا، شہید رفیق چیک پوسٹ میں باورچی تھا۔ خود کش حملے میں دو پولیس اہلکاروں سمیت تین افراد شہید ہوئے ہیں۔