لاہور(نیوز ڈیسک) پاکستان تحریک انصاف کے چیئرمین عمران خان نے کہا ہے کہ حکومت کا اس سال بھی الیکشن کرانے کا کوئی پلان نہیں، ان کی کوشش ہے الیکشن تب کرائیں جب پی ٹی آئی ختم ہوجائے، دھماکے کے فوری بعد گورنرکا الیکشن کمیشن ملتوی کا خط خدشات بڑھا دیتا ہے، ، اگر الیکشن ملتوی کرائے گئے تو آرٹیکل 6 لگے گا۔ انہوں نے خطاب کرتے ہوئے کہا کہ پشاوردھماکے میں جانی نقصان ہوا ابھی لوگوں کا دکھ کم نہیں ہوا ساتھ ہی گورنر خیبرپختونخواہ الیکشن ملتوی کرنے کا خط لکھ دیتا ہے، جس سے مزید خدشات بڑھ گئے۔
سوال یہ ہے کہ ہماری حکومت میں دہشتگردی کیوں نہیں ہوئی 2013سے 2018تک کے پی میں دہشتگردی رہی، پھر بعد میں ہماری حکومت رہی ،میں ان کو جانتا ہوں، انہوں نے تیس سالوں میں کیا کرلیا تھا ن لیگ 99ء میں گئی تب کیا کیا تھا ہمارے دور میں حکومت اور اسٹیبلشمنٹ ایک پیج پر تھی تو ملک کو فائدہ ہوا، جنرل قمر جاوید باجوہ کو سمجھایا تھا کہ ان سے حکومت نہیں سنبھالی جانی، ہم آئی ایم ایف پروگروم سے گزرے، کسان خوش تھا، انڈسٹری ترقی کررہی تھی، ہمارے ریکارڈ ٹیکس کلیکشن تھے، ترسیلات زر ریکارڈ تھے۔

اگر مجھے سازش کرکے نہ ہٹایا جاتا تو ہم ذمہ دار ہوتے، شہبازشریف کی اگر تیار ی نہیں تھی تو ہمیں کیوں ہٹایا 90روپے ڈالر بڑھا کیا اس کے ہم ذمہ دار ہیں ڈالر بڑھنے سے درآمدی مہنگائی بڑھ جاتی ہے۔جنرل باجوہ سے اختلاف این آراو ایشواور فیض حمید کو ہٹانے پر ہوا،جنرل باجوہ توسیع کے بعد احتساب سے پیچھے ہٹ گئے تھے،مجھے کہا نیب تبدیل کریں اور این آراو دے دیں، جنرل باجوہ کو کہا تھا انہیں رجیم چینج میں کامیاب نہ ہونے دیں، پی ڈی ایم کی حکومت آتے ہی ملک نیچے جانے لگا۔
انہوں نے کہا کہ دہشتگردی اور معیشت کا ذمہ دار ہمیں ٹھہرا رہے ہیں، اگر اہل نہیں تھے تو حکومت نہیں سنبھالنی تھی۔ تاریخ میں پہلی بار پنجاب اور خیبرپختونخواہ میں حکومتیں گرائیں، ہم پر کسی نے بندوق نہیں رکھی تھی، حکومت کا اس سال الیکشن کرانے کی کوئی سوچ نہیں ہے، گورنرکا الیکشن کمیشن کو خط مزید خدشات بڑھا دیتا ہے، لوگ ابھی دفن نہیں ہوئے تھے کہ گورنر نے الیکشن ملتوی کا خط لکھ دیا،گورنر کے خط سے خدشات بڑھ گئے کہ دہشتگردی پی ٹی آئی کے خلاف ہے، ان کی کوشش ہے تب الیکشن کرائیں جب پی ٹی آئی ختم ہوجائے۔
آئین میں الیکشن ملتوی کرنے کا کوئی ابہام نہیں ہے، آرٹیکل 5واضح کہتا کہ 90روز میں الیکشن ہوں گے، اگر الیکشن ملتوی کرائے گئے تو آرٹیکل 6 لگے گا۔الیکشن میں تاخیر جسٹس منیر کے نظریہ ضرورت جیسی ہوگی۔