پاک افغان سرحدی فورسز کے درمیان کشیدگی میں کمی کے باوجود باب دوستی 12 ویں روز بھی ہر قسم کی تجارت اور آمدورفت کےلئے بند ہے،باب دوستی کھولنے اور دوطرفہ تجارت کی بحالی کےلئے باہمی رابطے جاری ہیں۔چمن بارڈر کی بندش سے نیٹو سپلائی، افغان ٹرانزٹ ٹریڈ سمیت دو طرفہ تجارت معطل ہے تاہم انسانی ہمدردی کی بنیاد پر بیمار افغان شہریوں کو پاسپورٹ پر افغانستان جانے کی اجازت برقرار ہے۔ اب تک 100 سے زائد افغان شہری واپس جاچکے ہیں۔کلی لقمان اور کلی جہانگیر میں بدستور سیکورٹی فورسز موجود ہیں جہاں ابھی تک مردم شماری کا آغاز نہیں ہوسکا جبکہ شہری علاقوں میں مردم شماری کا سلسلہ جاری ہے۔آئی جی ایف سی کی جانب سے افغان شیلنگ سے متاثرہ دیہات میں امدادی اشیاء کی تقسیم جاری ہے۔