کرایم رپوٹر ( شکیل انور) صوبہ خیبر پختو نخواہ کے ضلع ٹانک کے علاقے ایفآر ٹانک میں نامعلوم مسلح افراد نے پولیو انچارج سمیت3 افراد کو اغواء کرلیا ہے۔لیویز ذرائع کے مطابق ایفآرٹانک میں شروع ہونے والی پولیو مہم کے دوسرے روز گاوں پینگ کے علاقے دیوان بابا میں پولیو ٹیم انچاج ثناء اللہ پولیو ورکر رقیب اللہ اور خاصہ دار اہلکار پائیو گل کو نامعلوم مسلح افراد اغواءکرلیا۔پولیٹیکل انتظامیہ کا کہنا ہے کہ پولیو ورکر اور خاصہ دار اہلکار کو بازیاب کرا لیا گیا، جبکہ پولیو انچارج کی رہائی کے لئے کوششیں جاری ہیں۔ اس مقصد کےلیےآج قبائلی عمائدین کا گرینڈ جرگہ بھی طلب کیا گیا ہے۔گڈز ٹرانسپورٹرز کی ہڑتال کے باعث کراچی کی بندرگاہوں پر گنجائش ختم اوردرآمدی و برآمدی کنٹینرز کی ترسیل مکمل بند ہوگئی۔کرائیم رپوٹر (شکیل انور)گڈز ٹرانسپورٹرز کا احتجاج دسویں روز میں داخل ہوگیا ہے،اندرونِ کراچی اشیا کی ترسیلات مکمل بند ہونے سے کے آئی سی ٹی، پی آئی سی ٹی اور بن قاسم پورٹس پر کنٹینر ہینڈلنگ کی گنجائش ختم ہو گئی ہے۔بندرگاہوں پر تمام کام بند ہونے سے ملکی معیشت کو شدید نقصان پہنچ رہا ہے۔ترسیلات بند ہونے سے ملک میں کھانے پینے کی اشیا کی قلت کا خدشہ بھی پیدا ہو گیا ہے۔گزشتہ روز گورنر سندھ اور گڈز ٹرانسپورٹرز کے درمیان ہونے والے مذاکرات کے دونوں ادوار نتیجہ خیز ثابت نہ ہوسکے اور گڈز ٹرانسپورٹرز نے ہڑتال جاری رکھنے کا اعلان کیا ہے۔لاہور چیمبر کے صدر امجد علی جاوا نے گڈز ٹرانسپورٹ ایسوسی ایشن کے عہدے داروں کے ہمراہ مشترکا پریس کانفرنس میں ہڑتال کا فوری حل نکالنے کا مطالبہ کیا ہے۔ان کا کہنا تھا کہ کراچی میں گڈز ٹراسپورٹرز کی ہڑتال سے پنجاب بھر کی صنعت پر شدید اثرات پڑ رہے ہیں ملک کو اب تک 48 ارب روپے کا نقصان ہو چکاہے۔ غذائی اشیا کی تجارت بند ہونے سے فوڈ سیکورٹی کا ایشو بننے لگا ہے۔گڈز ٹرانسپورٹ ایسوسی ایشن لاہور کے جنرل سیکرٹری طارق متین کا کہنا تھا کہ گڈز ٹرانسپورٹ کو رات 11 سے صبح 6 بجے تک کراچی شہر میں آنے کی اجازت دی جائے۔تاجر رہنماوں نے شکوہ کیا کہ ارباب اختیار نے معاملے کے حل کے لئے کوئی کوشش نہیں کی۔ تجارتی سرگرمیاں متاثر ہونے سے دنیا میں منفی تاثر گیا۔