لندن (نیوزڈیسک) نواز شریف کا کہنا ہے کہ وہ جلد پاکستان آئیں گے۔ میڈیا رپورٹس کے مطابق مسلم لیگ ن کے قائد نواز شریف سے سابق سینیٹر چوہدری ظفر اقبال نے ملاقات کی۔ نواز شریف نے کہا کہ جمہوری سسٹم چلتا رہنا چاہیے،کسی صورت ڈی ریل نہیں ہونا چاہیے۔ سابق وزیراعظم نے وطن واپسی سے متعلق گفتگو کرتے ہوئے کہا کہ وکلاء سے مشاورت جاری ہے،جلد پاکستان واپس آؤں گا۔
جبکہ ن لیگ لاہور کے صدر سیف الملوک کھوکر نے لندن میں میڈیا سے گفتگو کرتے ہوئے کہا کہ نواز شریف کی وطن واپسی کی تاریخ ہفتے تک طے ہو جائے گی۔ نواز شریف کو استقبال کی تیاریوں سے متعلق بریفنگ دی،سابق وزیراعظم کی جانب سے مزید ہدایات جاری کی گئیں،لاکھوں لوگ اپنے قائد کے استقبال کیلئے آئیں گے۔

یاد رہے کہ گزشتہ روز سابق وزیراعظم نواز شریف نے لندن میں میڈیا سے گفتگو کرتے ہوئے کہا تھا کہ سپریم کورٹ کے سابق چیف جسٹس صاحبان کے بارے میں اندر سے گواہیاں آ رہی ہیں۔

اس وقت کے چیف جسٹس نواز شریف کو دیوار سے لگانے میں مصروف تھے،آج عمران خان کو بچانے کو بچانے کی کوشش کی جا رہی ہے۔ مسلم لیگ ن کے قائد کا الزام لگاتے ہوئے ہوئے کہنا تھا کہ توشہ خانہ سے القادر ٹرسٹ تک کی کرپشن میں ملوث شخص کو بچانے کی پوری کوشش کی جا رہی ہے۔سب جانتے ہیں یہ شخص کرپٹ ہے اس نے ملک کو تباہ کیا ہے۔ نواز شریف نے کہا سابق چیف جسٹس ثاقب نثار نے کہا تھا کہ نواز شریف اور مریم نواز کو جیل میں ڈالنا ہے اور عمران خان کو لانا ہے۔ مجھے نا اہل کرانے اور میری حکومت ختم کرنے کی کوشش کی گئی،ہمارا خلاف کیا کچھ نہیں کیا گیا؟۔ سابق وزیراعظم کا مزید کہنا تھا بٹگرام میں اساتذہ اور بچوں کی جان بچانے والے شاباش کے مستحق ہیں۔