قاہرہ(نیوزڈیسک) امریکی وزیر خارجہ انٹونی بلنکن کی ریاض میں سعودی ولی عہد محمد بن سلمان سے ملاقات کے بعد مصر اور اردن کے رہنماں سے ملاقاتیں، اسرائیل فلسطین معاملے پر تبادلہ خیال کیا۔غیرملکی خبررساں ادارے کے مطابق سعودی عرب کے بعد انٹونی بلنکن مصر پہنچے جہاں انہوں مصری صدر عبدالفتاح السیسی سے ملاقات کی۔

امریکی وزیر خارجہ سے ملاقات کے موقع پر مصری صدر نے غزہ کی سویلین آبادی پر اسرائیلی بمباری کو مسترد کرتے ہوئے کہا کہ اسرائیل دفاع سے کافی آگے بڑھ چکا ہے اب وہ اجتماعی سزا پر اتر آیا ہے۔مصری صدر سے ملاقات کے بعد امریکی وزیر خارجہ انٹونی بلنکن اردن پہنچے جہاں انہوں نے اردن کے اعلی حکام سے ملاقاتیں کی، وہ دوبارہ اسرائیل کا دورہ بھی کریں گے۔