پاکستان کرکٹ ٹیم نے برمنگھم میں آؤٹ ڈور پریکٹس سیشن کیا، کھلاڑیوں نے بیٹنگ، بولنگ اور فیلڈنگ پر خصوصی توجہ دینے کے علاوہ تفریح کرکے دل بہلایا۔سابق کپتان مشتاق محمد نے بھی کھلاڑیوں کی ٹریننگ دیکھی ۔چیمپئینز ٹرافی ایونٹ اب زیادہ دور نہیں،برمنگھم میں موجود قومی کرکٹرز ایونٹ کی تیاریوں میں مصروف ہیں ۔کھلاڑیوں نے آؤٹ ڈور سیشن کیا ، جس میں فیلڈنگ، بیٹنگ اور بولنگ پر بھرپور توجہ دی گئی ۔خوب محنت کے بعد کھلاڑیوں نے کچھ ریلیکس بھی کیا، اس میں بھی وہ سکون سے نہیں بیٹھے بلکہ دو ٹیمیں بناکر کھیل ہی کھیل میں فزیکل ٹریننگ کرتے رہے۔سابق کپتان مشتاق محمد نے بھی قومی کھلاڑیوں کی ٹریننگ دیکھی اور انہیں قیمتی مشورے بھی دیئے۔