لاہور(نیوزڈیسک)لاہور کی مقامی عدالت نے 16سالہ لڑکی کے ساتھ زیادتی کر کے حاملہ کرنے کے کیس کا تحریری فیصلہ جاری کردیا ۔ایڈیشنل سیشن جج منصور احمد قریشی نے کیس پر تحریری فیصلہ جاری کیا ۔
عدالت نے جرم ثابت ہونے پر مجرم غلام نبی کو عمر قید اور دس ہزار روپے جرمانہ کی سزا سنائی ۔ تحریری فیصلے میں کہا گیا کہ سرکاری وکیل شہلاچوہدری نے 13 گواہوں کے بیانات قلمبند کروائے ، ملزم غلام نبی مدعی کی بیٹی کو تین ماہ زیادتی کا نشانہ بناتا رہا ، ملزم کے خلاف 13 گواہوں کے بیانات جرم کو ثابت کرتے ہیں، ثبوت اور شہادتیں ملزم کے خلاف جرم کو ثابت کرتی ہیں، ملزم کا بیان ملزم کی بے گناہی کو ثابت نہیں کرتا ہے ۔