جکارتا (نیوزڈیسک) انڈونیشیا کے دارالحکومت جکارتا میں نماز جمعہ کے دوران ایک خوفناک دھماکے سے مسجد لرز اٹھی، جس کے نتیجے میں 54 افراد زخمی ہوگئے۔ مقامی خبرایجنسی کے مطابق دھماکہ ایک تعلیمی ادارے کی مسجد میں اس وقت ہوا جب نماز جمعہ ادا کی جا رہی تھی۔

دھماکے کے فوراً بعد ریسکیو ٹیمیں اور پولیس موقع پر پہنچ گئیں اور زخمیوں کو قریبی اسپتالوں میں منتقل کیا گیا جہاں کئی افراد کی حالت تشویشناک بتائی جا رہی ہے۔

پولیس نے جائے وقوعہ کو گھیرے میں لے کر شواہد اکٹھے کرنا شروع کر دیے ہیں۔ ابتدائی اطلاعات کے مطابق دھماکے کی نوعیت کا تعین کیا جا رہا ہے جبکہ دہشت گردی کے امکان کو رد نہیں کیا جا رہا۔ انڈونیشی حکام نے واقعے کی مکمل تحقیقات کا حکم دے دیا ہے