اسلام آباد (نیوزڈیسک) اپوزیشن نے قانون و انصاف کی قائمہ کمیٹی میں شرکت نہ کرنے کا اعلان کر دیا ۔

پارلیمنٹٹ ہاوس کے باہر پریس کانفرنس کرتے ہوئے بیرسٹر علی ظفر نے کہاکہ 27ویں آئینی ترمیم کے مسودے کا سرسری سا جائزہ لیا ہے، سینیٹ میں مسودہ پیش کیا گیا،تقریبا 50 نکات ہیں، ہمیں کہا گیا کہ ڈھائی بجے اجلاس میں شرکت کریں، یہ سارا کچھ بہت تیزی سے اور چھپ چھپا کے ہو رہا ہے، 1973ء کے آئین کو ختم کیا جا رہا ہے ،آئین کے خلاف سازش ہو رہی ہے ، ہم قائمہ کمیٹی کے خصوصی اجلاس میں شریک نہیں ہوں گے، ہم سینٹ میں اپنی آواز اٹھائیں گے، ہم کوئی ربڑ اسٹیمپ نہیں، غلطیوں کی نشاندہی کریں گے،تحریری اعتراض پیش کریں گے۔