اسلام آباد (نیوزڈیسک) پاکستان نے غزہ میں اسرائیلی قابض افواج کی جانب سے کیے گئے حملوں کی سخت الفاظ میں مذمت کی ہے جن کے نتیجے میں مبینہ طور پر متعدد فلسطینی شہری شہید اور کئی زخمی ہوئے ہیں۔

اس حوالے سے دفتر خارجہ سے جاری بیان میں کہا گیا کہ ایسے اقدامات بین الاقوامی قانون، متعلقہ اقوام متحدہ کی قراردادوں اور حال ہی میں شرم الشیخ میں طے پانے والے امن معاہدے کی صریح خلاف ورزی ہیں، یہ حملے خطے میں دیرپا امن اور استحکام کے لیے عالمی کوششوں کو بھی نقصان پہنچاتے ہیں۔

ترجمان دفتر خارجہ نے بیان میں کہا کہ حکومت پاکستان بین الاقوامی برادری سے دوبارہ اپیل کرتی ہے کہ وہ فوری اقدامات کرے تاکہ اسرائیل کی بے قابو حرکات اور جنگ بندی کی خلاف ورزیوں کو روکا جا سکے اور بین الاقوامی انسانی حقوق اور ہنگامی انسانی قانون کی پاسداری یقینی بنائی جا سکے، اس سلسلے میں پاکستان اپنے اصولی مؤقف پر قائم ہے کہ ایک آزاد، خودمختار، قابل عمل اور ہمسایہ ریاست فلسطین قائم کی جائے، جو جون 1967ء کی سرحدوں کی بنیاد پر ہو اور جس کا دارالحکومت القدس شریف ہو۔