لاہور(نیوزڈیسک) پاکستان پیپلز پارٹی نے اتحادی جماعت مسلم لیگ (ن) پر طے شدہ معاہدے کی خلاف ورزی کا الزام عائد کرتے ہوئے کہا ہے کہ دونوں جماعتوں میں معاہدہ تھا کہ رنر اپ ضمنی الیکشن لڑے گا اور دوسری جماعت حمایت کرے گی،این اے 185 ڈیرہ غازی خان میں مسلم لیگ (ن) نے معاہدے کی پاسداری نہیں کی ۔


سابق وزیر اعظم و پاکستان پیپلز پارٹی وسطی پنجاب کے صدر راجہ پرویز اشرف نے کہا کہ این اے 185 میں پارٹی امیدوار کے تحفظات پر اظہار تشویش کرتے ہوئے کہا کہ پیپلز پارٹی کے امیدوار دوست محمد کھوسہ نے دھاندلی کے سنجیدہ الزامات لگائے ہیں،دوست محمد کھوسہ کے الزامات سنجیدہ نوعیت کے ہیں،حکومتی اتحادی ہونے کے باوجود یہ صورتحال کیوں پیدا ہوئی ۔

انہوں نے کہاکہ چیف الیکشن کمشنر صرف معاملے کا نوٹس نہ لیں بلکہ صاف شفاف اور غیر جانبدارانہ تحقیقات کرا کے ایکشن بھی لیں۔