تاریخ: 04/26/2017 - موضوع: اہم خبریں, صحت
(: پنجاب حکومت نے تمام ٹیچنگ ہسپتالوں میں ہیپاٹائٹس اور گیسٹرو کے مریضوں کے علاج کیلئے سنٹرز قائم کرنے کا فیلصلہ کرلیا۔ تفصیلات کے مطابق پنجاب حکومت کی جانب سے تمام ٹیچنگ ہسپتالوں میں ہیپاٹائٹس اور گیسٹرو کے علاج معالجے کیلئے سنٹرز کے قیام کا فیصلہ کیا گیا ہے۔سنٹرز کے قیام کا مقصد ہیپاٹائٹس کی روک تھام اور اس میں مبتلا مریضوں کی بروقت تشخیص اور درست علاج کی فراہمی یقینی بنانا ہے۔ محکمہ سپیشلائزڈ ہیلتھ کیئر نے پرنسپل جنرل ہسپتال معروف گیسٹرو انٹرالوجسٹ پروفیسر غیاث النبی طیب کو ہیپاٹائٹس اور گیسٹرو انٹرالوجی سنٹرز کا فوکل پرسن مقرر کر دیا گیا۔پروفیسر غیاث النبی طیب تمام ٹیچنگ ہسپتالوں میں ہیپاٹائٹس سے بچاؤ کے اقدامات کے ساتھ ساتھ مریضوں کی تشخیص اور علاج معالجے کی نگرانی کریں گے۔