لاہور سمیت پنجاب بھر میں اضافی لوڈشیڈنگ کا سلسلہ پھر شروع ہو گیا، بجلی کی قلت 5 ہزار200 میگا واٹ تک پہنچ گئی ۔پیپکو ذرائع کے مطابق بجلی کی پیداوار 14 ہزار100 جبکہ طلب 19 ہزار300 میگاواٹ ہے، قلت بڑھنے سے لاہور اور دیگر بڑے شہروں میں لوڈشیڈنگ کا دورانیہ 6 گھنٹے سے تجاوز کر گیا ہے۔ذرائع کے مطابق پنجاب کے چھوٹے شہروں اور دیہاتوں میں صورت حال زیادہ خراب ہے، جہاں لوڈ شیڈنگ کا دورانیہ8 سے 10 گھنٹے ہے۔پیپکو ذرائع کے مطابق گرمی میں اضافے کے ساتھ شارٹ فال بڑھنے کا امکان ہے۔