کراچی( بیورورپورٹ )اسٹاک مارکیٹ کو بحران سے نکالنے کیلئے 20ارب روپے کا خصوصی فنڈ قائم کردیاگیا۔اسٹاک مارکیٹ کو بحران کی صورت میں امداد کیلئے20ارب روپے سے خصوصی فنڈ قائم کردیاگیا اس طرح اسٹاک بروکرز کا دیرینہ مطالبہ پورا کردیاگیا، یہ فیصلہ مشیرخزانہ ڈاکٹر عبدالحفیظ شیخ کی پاکستان اسٹاک ایکسچینج کے ڈائریکٹرز اور اسٹاک بروکرزسے ملاقات میں کیاگیا۔رپورٹ کے مطابق فنڈ کا انتظام سرکاری مالیاتی ادارہ نیشنل انویسٹمنٹ ٹرسٹ(این آئی ٹی) سنبھالے گا۔ این آئی ٹی فنڈ سے اسٹاک مارکیٹ میں لسٹڈ سرکاری اداروں کے حصص کی خریداری کرکے بحران کی صورت میں کردار اداکرے گا۔