ویب ڈیسک : مارک وڈ نیوزی لینڈ کے خلاف ورلڈ کپ فائنل کے دوران انجری کا شکار ہوئے تھے جس کے بعد ان کے گھٹنے کی سرجری بھی ہوئی تھی۔

انگلش کرکٹ بورڈ کے کے مطابق سائیڈ اسٹرین اور گھٹنے کی انجری کے سبب بقیہ سیزن میں کسی بھی قسم کی کرکٹ نہیں کھیل سکیں گے۔

ورلڈ کپ میں مارک وڈ نے 10 میچوں میں 18 وکٹیں حاصل کی تھیں اور جوفرا آرچر کے بعد عالمی کپ میں میزبان ٹیم کے سب سے کامیاب باؤلر تھے۔

انگلینڈ کی ٹیم ان دنوں انجری مسائل میں گھری ہوئی ہے اور جوفرا آرچر بھی سائیڈ اسٹرین کے سبب ایشز سیریز کا پہلا ٹیسٹ میچ نہیں کھیل سکے تھے۔

تاہم میزبان ٹیم کے لیے سب سے پریشان کن امر یہ ہے کہ انگلینڈ کی ٹیسٹ کرکٹ کی تاریخ کے کامیاب ترین باؤلر جیمز اینڈرسن ایشیز سیریز کے پہلے ہی دن انجری کا شکار ہو گئے۔

اینڈرسن میچ کے پہلے دن صرف چار اوورز کراسکے اور پنڈلی کی انجری کے سبب بقیہ میچ میں بھی شرکت نہیں کر سکیں گے۔

اینڈرسن کے ٹیسٹ کی رپورٹ آنے کے بعد اس بات کا اندازہ ہو گا کہ فاسٹ باؤلر بقیہ سیریز میں شرکت سکیں گے یا نہیں۔