اسلام آباد (نیوز ڈیسک) پاکستان اسٹاک ایکسچینج میں 31 ارب روپے مالیت کے 88 کروڑ شیئر کا ریکارڈ کاروبار، 100 انڈیکس 4 سال کی بلند ترین سطح 48 ہزار 93 پوائنٹس پر پہنچ گیا۔ تفصیلات کے مطابق پاکستان اسٹاک ایکسچینج کا 100 انڈیکس 33 پوائنٹس کم ہوکر 48 ہزار 93 پر بند ہوا۔کاروباری دن میں 100 انڈیکس نے 4 سالوں کی بلند ترین سطح 48 ہزار 434 پوائنٹس کو بھی چھوا لیکن کاروبار کے اختتام تک یہ سطح برقرار نہ رہ سکی۔
پی ایس ایکس میں آج کاروبار کا ملا جلا دن رہا۔آج کاروبار کے اختتام پر انڈیکس کی سطح گذشتہ روز سے نیچے رہی۔ بازارمیں آج 88 کروڑ شیئرز کے سودے ہوئے جن کی مالیت 31 ارب روپے سے زائد رہی۔مارکیٹ کیپٹلائزیشن آج 16 ارب روپے بڑھ کر 8 ہزار 331 ارب روپے ہوگئی ہے۔
دن بھر میں 17.6ارب روپے مالیت کے سودے ہوئے، مجموعی طور پر 390 کپنیوں کے اسٹاکس کا کاروبار ہوا جن میں سے 251 کی قیمت میں بہتری آئی، 124 تنزلی کا شکار ہوئے اور 15 کی قیمتیں برقرار رہیں۔

70 کروڑ 70 لاکھ سے زائد شیئرز کے ساتھ سب سے زیادہ سودے ورلڈ کال ٹلی کام لمیٹیڈ ہوئے ہوئے جبکہ کمپنی کے شیئر کی قیمت میں بھی 41.23 فیصد اضافہ ریکارڈ کیا گیا۔جبکہ بقیہ سرفہرست چار کمپنیوں میں ہم نیٹ ورک لمیٹیڈ، یونیٹی فوڈز لمیٹیڈ، بائیکو پیٹرولیم پاکستان لمیٹیڈ اور پاکستان انٹرنیشنل ایئرلائن کے حصص کے سب سے زیادہ سودے ہوئے۔سب سے زیادہ کاروبار بینکنگ کے شعبے میں 146.80 پوائنٹس ریکارڈ کیا گیا، ٹیکنالوجی اور مواصلات میں 98.20 پوائنٹس اور تیل اور گیس میں 72.80 پوائنٹس کا کاروبار ہوا۔
واضح رہے کہ گزشتہ ماہ پاکستان اسٹاک ایکسچینج میں ایک دن میں کاروباری حجم کے لحاظ سے ایک دن میں سب سے زیادہ کاروبار کا ریکارڈ قائم ہو گیا تھااور ایک دن میں ایک ارب 56کروڑ حصص کا کاروبار ہوا۔پاکستان اسٹاک ایکسچینج کی ویب سائٹ کے مطابق 100 انڈیکس میں بدھ کو ہونے والے کُل کاروبار میں سے نصف حصص ورلڈ کال ٹیلی کام کے فروخت ہوئے۔اس ریکارڈ کاروبار نے رواں سال فروری میں قائم ریکارڈ کو توڑ دیا ہے جب 11 فروری کو 1ارب 12 کروڑ شیئرز کا کاروبار ہوا تھا۔
وزیر منصوبہ بندی و ترقی اسد عمر نے سماجی رابطوں کی ویب سائٹ ٹوئٹر پر اپنے پیغام میں کہا کہ پاکستان اسٹاک ایکسچینج میں یومیہ تجارتی حجم کا نیا ریکارڈ قائم ہو گیا ہے، آج کے حجم نے 39فیصد کے فرق کے سابقہ ریکارڈ کو پیچھے چھوڑ دیا، ماکیٹ بہتری کے اشاریوں پر مثبت ردعمل دے رہی ہے۔ان کا کہنا تھا کہ کووڈ-19 کے پھیلاؤ کو روکنے کے لیے کیے گئے اقدامات سے بھی پائیدار معاشی بحالی میں مدد ملی البتہ اب بھی خطرہ برقرار ہے۔

اس وقت سب سے زیادہ پڑھی جانے والی خبری