یمن میں ہیضے کے باعث اب تک 34 افراد ہلاک ہوچکے ہیں۔ عالمی ادارہ صحت کے مطابق2 ہفتے سے بھی کم وقت کے دوران2000 سے زائد افراد اس بیماری میں مبتلا ہو چکے ہیں۔ایک سال کے اندر یمن میں ہیضے کی وباء پھیلنے کا یہ دوسرا واقعہ ہے۔ عالمی ادارہ صحت اب یمن کو بھی عالمی انسانی ایمرجنسی میں شمار کرتا ہے۔جنگ کے شکار ملک یمن کے علاوہ شام، جنوبی سوڈان، نائجیریا اور عراق بھی اس فہرست میں شامل ہیں۔یمن میں جاری تنازعےاور سعودی اتحاد کی طرف جاری فضائی حملوں کے نتیجے میں گزشتہ 2 برسوں کے دوران7000 سے زائد افراد ہلاک، جبکہ3ملین افراد اپنا گھر بار چھوڑنے پر مجبور ہو چکے ہیں۔