جنوبی کوريا میں ہونے والے صدارتی انتخابات ميں بائيں بازو کی طرف جھکاؤ رکھنے والے وکيل مون جے اِن نے کامیابی کا اعلان کر دیا ہے۔ابتدائی غير حتمی نتائج کے مطابق ڈيموکريٹک پارٹی کے امیدوار مون کے حق ميں 41.4 فيصد ووٹ ڈالے گئے ہیں، جبکہ ان کے قریب ترین قدامت پسند ہونگ جون پيو تھے، جن کے حق ميں 23.3 فیصد ووٹ پڑے۔جنوبی کوريا ميں بدعنوانی کے الزامات کے تحت سابق خاتون صدر پاک گن ہے کی برطرفی کے بعد جنوبی کوریا میں یہ صدارتی انتخابات کرائے گئے ہیں۔