ملائشیا (نیوز ڈیسک) گزشتہ شب دنیا بھر کے فعال پاکستانی صحافیوں کی انٹرنیشنل تنظیم، انٹرنیشنل ایسوسی ایشن آف پاکستانی جرنلسٹس IAPJ کا آن لائن اجلاس منعقد ہوا، جس میں دنیا کے مختلف ممالک پاکستانی صحافیوں نے شرکت کی اور اس عزم کا اظہار کیا کہ وہ دیار غیر میں رہتے ہوئے پاکستان کے مثبت چہرے کو اجاگر کرنے کے علاوہ کمیونٹی کی سرگرمیوں کو بھی بھرپور انداز میں اجاگر کرتے رہیں گے۔
انٹرنیشنل ایسوسی ایشن آف پاکستانی جرنلسٹس IAPJ کی جنرل کونسل کے آن لائن اجلاس میں شریک صحافیوں کا کہنا تھا کہ دنیا بھر میں مقیم پاکستانی صحافی جہاں سفارتی امور اور کیمونٹی سرگرمیوں کو اجاگر کرتے ہیں وہیں پاکستان کا اقوام عالم کے ساتھ تعلقات کو مضبوط اور مستحکم بنانے میں بھی ایک پل کا کردار نبھا رہے ہیں اس لئے ضروری کہ حکومت پاکستان ان کے کام کو سراہے اور انکی حکومتی سطح پر حوصلہ افزائی کرے تاکہ وہ مزید بہتر انداز اور یکسوئی کے ساتھ ملک کا نام دنیا بھر کے مختلف ممالک اجاگر میں
کرسکیں. انٹرنیشنل ایسوسی ایشن آف پاکستانی جرنلسٹس کے صدر شاہد چوہان اور سینئر نائب صدر خرم شہزاد سمیت دیگر عہدیداروں کا کہنا تھا کہ ہمارا مقصد دنیا کے تمام خطوں میں موجود صحافیوں کو ایک ایسا پلیٹ فارم مہیا کرنا ہے جہاں وہ باہم ملکر صحافیوں کے حقوق کی آواز کو بلند کر سکیں اور آپسی روابط کے ساتھ آگے بڑھ سکیں، جس میں ہمیں کامیابی مل رہی ہے اور دنیا بھر سے صحافی تنظیمی ڈھانچے کا حصہ بن رہے ہیں اور ہماری ہمیشہ یہ کوشش رہے گی کہ ہم صحافتی امور کے ذریعے وطن عزیز کے روشن پہلوؤں کو اجاگر کرتے رہیں۔

اجلاس سے تنظیم کے چئیرمین وسیم
چوہدری، سیکرٹری جنرل مہوش خان، نائب صدور کرن خان، عرفان احمد فراز، فنانس سیکرٹری وسیم بٹ، سیکرٹری اطلاعات ذکاءاللہ محسن، جاوید عظیمی، شاہین جاوید، اویس تاج چوہدری،اور محمد وقار خان سمیت دیگر نے بھی اظہار خیال کیا۔ اجلاس میں ایسوسی ایشن کے صدر شاہد چوھان نے ملائشیا سے سینئر صحافی اویس تاج چوہدری کو ڈپٹی جنرل سیکرٹری، روس سے شاهد گهمن کو سینئر جوائنٹ سیکرٹری اور جرمنی سے مطیع اللہ کو جوائنٹ سیکرٹری نامزد کیا جبکہ ترکی سے رانا فیصل عزیز، یونان سے احسان اللہ خان ایگزیکٹو کمیٹی کے ممبران ہونگے اس کے علاوہ مختلف ممالک سے چیف آرگنائزر مقرر کیے گئے جس کے مطابق ترکی سے فرخ منیر خان، ضیاء سید، ملائشیا سے محمد وقار خان ، بیلجئیم سے عظیم ڈار، کویت سے عرفان شفیق، اور سکاٹ لینڈ سے کیپٹن فرید انصاری کو ذمہ داریاں تفویض کی گئیں۔