راولپنڈی (نیوز ڈیسک) آرمی چیف جنرل قمر جاوید باجوہ نے کہا ہے کہ قومی مفادات کی حفاظت اور فروغ کے لیے قومی ہم آہنگی ناگزیر ہے ،ملک میں قانون کی حکمرانی اور ریاستی رٹ امن و استحکام کی ضامن ہے۔۔آئی ایس پی آر کے مطابق آرمی چیف نے این ڈی یو کا دورہ کیا جہاں انہوں نے 24ویں قومی سلامتی ورکشاپ کے شرکائ سے خطاب کیا ۔

آرمی چیف نے قومی سلامتی کو درپیش چیلنجز اور جوابی اقدامات پر بات کی ۔ اس موقع پر خطاب کرتے ہوئے آرمی چیف نے کہا قومی مفادات کی حفاظت اور فروغ کے لیے قومی ہم آہنگی ناگزیر ہے۔ پاکستان نے کئی چیلنجز کا سامنا کیا،ہر بار مضبوطی سے ابھر کر نکلا۔دہشتگردی کے خلاف جنگ قومی اتحاد و یکانگت سے کامیاب ہوئی۔ انہوں نے کہا امن و استحکام اسی صورت میں آ ہوسکتا ہے جب ملک میں قانون کی حکمرانی اور ریاستی رٹ قائم ہوگی