راولپنڈی (نیوزڈیسک) آرمی چیف جنرل سید عاصم منیر نے ترکی اور شام کے ساتھ پائیدا تعلقات کی اہمیت کو اجاگر کیا ہے اور کہا ہے کہ خاص طورپر بحرانوں کے وقت مدد کی ضرورت ہے۔ آئی ایس پی آر کے مطابق آرمی چیف نے بدھ کے روز ہیڈ کوارٹرز انجینئرز ڈویژن راولپنڈی کا دورہ کیا۔

آرمی چیف کو ترکی اور شام کے زلزلے کے دوران پاک آرمی اربن سرچ اینڈ ریسکیو ٹیم (یو ایس اینڈ آر ٹی) کی جانب سے کی گئی کوششوں کے بارے میں تفصیلی بریفنگ دی گئی۔

آرمی چیف نے ریسکیو ٹیم کے ارکان سے ملاقات کی اور ان کی پیشہ ورانہ مہارت اور زلزلے میں ریسکیو کوششوں کے دوران کئے گئے قابل تعریف کام کو سراہا۔ آرمی چیف نے ترکی اور شام کے ساتھ پائیدار تعلقات کی اہمیت کو اجاگر کیا اور خاص طور پر بحرانوں کے وقت مدد کرنے کی ضرورت ہے۔