اسلام آباد (نیوزڈیسک) امریکی ڈیموکریٹ کانگریس مائیک لیون نے چئیرمین پی ٹی آئی عمران خان سے ٹیلیفونک رابطہ کیا ہے۔میڈیا رپورٹس کے مطابق ڈیموکریٹ رکنِ کانگریس کی عمران خان سے سیاسی صورتحال پر طویل بات چیت ہوئی۔دونوں رہنماؤں کے درمیان ٹیلیفون پر پی ٹی آئی کے کارکنوں پر مبینہ پولیس کے تشدد اور صحافیوں کو حراست میں لیے جانے پر گفتگو ہوئی۔
مائیک لیون سے عمران خان نے سیکیورٹی سے متعلق درپیش صورتحال پر بھی گفتگو کی۔علاوہ ازیں امریکی رکن کانگریس لنڈا سانچز نے پاکستان میں سیاسی کشیدگی پر ردعمل کا اظہار کرتے ہوئے کہا ہے کہ پاکستان میں سیاسی کارکنان کے خلاف تشدد پر تشویش ہے۔ انہوں نے کہا کہ پرامن سیاسی اجتماع عوام کا حق ہے اور انہیں یہ حق دیا جائے۔

اس سے قبل سابق امریکی سفیر زلمے خلیل زاد نے بھی ملک کے موجودہ سیاسی حالات کو دیکھتے ہوئے پاکستان میں جون میں الیکشن کرانے کی تجویز دی۔

افغانستان کیلئے امریکا کے سابق خصوصی ایلچی نے اپنے ٹوئٹر پیغام میں کہا کہ پاکستان کو اس وقت سیاسی، معاشی اور سیکیورٹی جیسے تین بڑے بحرانوں کا سامنا ہے۔ زلمے خلیل زاد نے کہا کہ عمران خان کی گرفتاری سے پاکستان میں جاری سیاسی بحران مزید سنگین ہوجائے گا، سیاسی لیڈروں کو جیلوں میں ڈالنا، پھانسی پر لٹکانا یا قتل کرانا غلط روش ہے۔ زلمے خلیل زاد نے مزید کہا کہ پاکستان کی موجودہ صورتحال میں میں 2 تجاویز دیتا ہوں جس میں پہلی یہ کہ جون میں قومی سطح پر انتخابات کا اعلان کیا جائے تاکہ تباہی سے بچا جاسکے۔
زلمے خلیل زاد نے کہا دوسری تجویز یہ ہے کہ اس وقت تمام سیاسی جماعتیں ملک کو بچانے اور استحکام، سلامتی اور خوشحالی کی راہ پر گامزن کرنے کے لیے مل بیٹھ کر مسائل کی نشاندہی اور آئندہ کا لائحہ عمل طے کریں اور جو بھی الیکشن میں کامیاب ہو اسے عوام کا مینڈیٹ حاصل ہوگا اسکو کام کرنے دیا جائ