لاہور(نیوزڈیسک) پاکستان تحریک انصاف کے سربراہ عمران خان کا کہنا ہے یہ سمجھتے تھے ممنوعہ فنڈنگ میں نااہل ہو جاؤں گا اب چاہتے ہیں توشہ خانہ کیس میں نا اہل ہو جاؤں۔انہوں نے نجی ٹی وی سے بات کرتے ہوئے کہا کہ توشہ کیس کی کھلی سماعت ہونی چاہیے تاکہ حقیقت سب پر عیاں ہو۔نواز شریف کو گارنٹی دی گئی کہ عمران خان اور پی ٹی آئی کو ختم کر دیں گے، جعلی مقدمہ بنا کر جیلوں میں ڈالنا لندن پلان کا حصہ ہے۔
نواز شریف مجرم ہے ،اربوں کی چوری کی ہے، بچے بھی بھاگ گئے ہیں، آصف زرداری اور مریم نواز نے توشہ خانہ سے گاڑیاں چوری کیں۔چیرمین پی ٹی آئی نے کہا مذاکرات کی آڑ میں حکومت الیکشن میں تاخیری حربے استعمال کرے گی۔اسد قیصر کو بات کرنے کا مینڈیٹ نہیں دیا ،شاہ محمود قریشی بات کریں گے، ان سے ابھی تک کسی نے رابطہ نہیں کیا۔

عمران خان نے کہا مسلم لیگ بالکل ٹوٹ چکی ہے، ان کی تاریخ ہے یہ لوگوں کو خریدتے ہیں یا بلیک میل کرتے ہیں۔

آڈیو ریکارڈ کرتے ہیں اور پھر انہیں بلیک کرتے ہیں۔یہ لوگ مسلسل عدلیہ پر دباؤ ڈالنے کی کوشش کر رہے ہیں۔مریم نواز کہتی ہیں میں نے ویڈیوز بنائی ہوئی ہیں۔آڈیو ریکارڈنگ بنیادی انسانی حقوق کی خلاف ورزی ہے۔ عمران خان کا کہنا تھا کہ میری صدر مملکت عارف علوی کے ساتھ جنرل باجوہ سے ملاقات ہوئی تھی، جس میں جنرل باجوہ نے مجھے کہا کہ اگر آپ الیکشن چاہتے ہیں تو اپنی حکومت گرادیں، جس پر ہم نے اپنی حکومت گرادی۔
چیئرمین پی ٹی آئی کہا کہ پی ڈی ایم، پیپلز پارٹی سمیت سب نے کہا اپنی حکومتیں گرائیں الیکشن کروا دیں گے، ہم نے اپنی اسمبلیاں تحلیل کر دیں تو اب یہ بھاگ رہے ہیں، یہ لوگ تاخیری حربے استعمال کر رہے ہیں کہ کسی طرح 14 مئی کو عبور کریں، سپریم کورٹ نے واضح کہہ دیا ہے کہ انتخابات 14 مئی کو ہوں گے، ہم انہیں بھاگنے نہیں دیں گے، ہم سپریم کورٹ کے فیصلے کے ساتھ ہیں۔