لاہور(نیوزڈیسک) تحریک انصاف کے 72مستعفی اراکین قومی اسمبلی کے استعفوں کے خلاف ایک ہی نوعیت کی تین درخواستوں کی منظوری کے حوالے سے 25 صفحات پر مشتمل تحریری فیصلہ جاری کر دیا گیا ۔فیصلے میں کہا گیا ہے کہ سپیکر قومی اسمبلی کی جانب سے استعفے منظور کرنے کے نوٹیفکیشن آئین اور اسمبلی رولز کے خلاف ہیں ۔

سپیکر قومی اسمبلی اور الیکشن کمیشن کے استعفے منظور کرنے کے نوٹیفکیشن کالعدم قرار دئیے جاتے ہیں ۔ فیصلہ سپیکر قومی اسمبلی مستعفی اراکین کے استعفوں کی تصدیق کے لیے اراکین کو طلب کریں اور دو مواقع فراہم کریں ۔ استعفوں کی تصدیق کا عمل مکمل ہونے سے پہلے مستعفی اراکین اپنے استعفے واپس لے سکتے ہیں ۔مستعفی اراکین سیکرٹری قومی اسمبلی کو تحریری طور پر بتا کر اپنے استعفے واپس لے سکتے ہیں ۔سیکرٹری اسمبلی اراکین کے قومی اسمبلی اجلاس میں شرکت کے حوالے سے اقدامات کرے گا ۔ اس پراسس کے بعد دئیے گئے استعفے غیر موثر تصور ہوں گے۔