اسلام آباد (نیوزڈیسک) بنگلہ دیش کی وزیراعظم حسینہ واجد نے پاکستانی ہم منصب شہباز شریف کو آموں کا تحفہ بھجوا دیا۔پاکستان میں بنگلہ دیش کے ہائی کمشنر محمد روح العالم صدیقی کا کہنا ہے کہ وزیراعظم حسینہ واجد کا یہ تحفہ دونوں بردار ممالک کے درمیان سفارتی تعلقات میں ایک نئی جہت کا اضافہ کرے گا اورباہمی تعلقات کو مزید فروغ حاصل ہوگا۔
بنگلہ دیشی میڈیا کے مطابق اسلام آباد میں بنگلہ دیش کے ہائی کمشنر نے 1500 کلو آم وزارت خارجہ کے پروٹوکول افسر کے حوالے کیے۔اس سے قبل جب گذشتہ ماہ وزیراعظم شہباز شریف ترکی گئے تو ان کی ترک صدر ایردوان سے ہونے والی ملاقات کی ویڈیو وائرل ہوئی۔ اس موقع پر شہباز شریف نے ترک صدر سے مصافحہ کرتے ہوئے کہا کہ میں آپ کیلئے آموں کا تحفہ لایا ہوں۔

وزیر اعظم شہباز شریف نے ملک میں کمر توڑ مہنگائی تسلیم کر لی وزیراعظم نے ترک صدر کی اہلیہ سے مخاطب ہوکر کہا کہ آدھے آم اپنے بھائی اور آدھے آم اپنی بہن کیلئے لایا ہوں۔ وزیراعظم کی یہ بات سن کر صدر ایردوان اور ان کی اہلیہ بے ساختہ مسکرا دیے۔ وزیراعظم شہباز شریف کی بات کا جواب دیتے ہوئے ترک صدر ایردوان نے مسکراتے ہوئے جواب دیا کہ مجھے معلوم ہے کہ پاکستانی آم بہت لذیذ ہوتے ہیں۔
وزیراعظم شہباز شریف نے ملاقات کے دوران مزید کہا کہ پاکستان کے عوام آپ کے انتخاب پر بہت خوش ہیں۔

۔علاوہ ازیں وزیراعظم شہبازشریف اور اسلامی ترقیاتی بینک کے سربراہ ڈاکٹر محمد الجاسر میں غیررسمی دلچسپ گفتگو ہوئی۔ڈاکٹر محمدالجاسر وزیراعظم کو خاص طورپر الوداع کرنے کے لئے بیرونی راہداری تک آئے۔ اس موقع پر وزیراعظم شہبازشریف نے کہا کہ آپ نے میرا دِن خوش گوار بنا دیا ہے، میں آپ کو بہترین میٹھے آم بھجواﺅں گا، ڈاکٹر محمد الجاسر نے مسکراتے ہوئے جواب دیا کہ ہم سب زیادہ وہی کھاتے ہیں،ہم اِن کے بغیر نہیں رہ سکتے ، ڈاکٹر محمدالجاسر کی باتوں پر وزیراعظم شہباز شریف بے ساختہ مسکر ادئیے ۔
انہوں نے کہا کہ آپ یہ آم اگاتے رہیں اور بھجواتے رہیں، ڈاکٹر محمداالجاسر کے جملے پر وزیراعظم اور دیگر حاضرین نے قہقہے لگائے -