اسلام آباد (نیوزڈیسک) اسلام آباد بارایسوسی ایشن نے ایڈیشنل سیشن جج ہمایوں دلاور کے خلاف اعلامیہ جاری کرتے ہوئے کہا ہے کہ کسی صورت میں کالے کوٹ کی توہین برداشت نہیں کی جائیگی ،کوئی بھی انتہائی قدم اٹھانے سے گریزنہیں کریں گے۔

تفصیلات کے مطابق عمران خان کے خلاف توشہ خانہ کیس کا مقدمہ سننے والے ایڈیشنل سیشن جج ہمایوں دلاور کے خلاف اسلام آباد بار نے بیان جاری کردیا ہے جس میں جج کی وکلاء سے ہتک آمیزرویہ کی مذمت کی گئی ہے۔

جاری اعلامئے میں کہا گیا ہے کہ اسلام آباد بار ایسوسی ایشن آزاد اور خود مختارعدلیہ پر یقین رکھتی ہے، جوڈیشل افسر کی جانب سے ہتک آمیزرویہ قبول نہیں۔اعلامئے میں کہا گیا ہے کہ کالے کوٹ کی توہین کسی صورت میں برداشت نہیں کی جائے گی، وکلاء سے معافی نہ مانگی گئی توعدالت پیش نہیں ہوں گے، اسلام آباد بار ایسوسی ایشن کوئی بھی انتہائی قدم اٹھانے سے گریز نہیں کرے گی۔