لاہور (نیوزڈیسک) 9مئی کو پولیس کی گاڑیاں نذر آتش کرنے کے کیس میں چیئرمین تحریک انصاف کے باڈی گارڈ سمیت 29 کارکنان کی شناخت پریڈ مکمل کرلی گئی۔انسداد دہشت گردی عدالت لاہور کے جج اعجاز احمد بٹر نے 9 مئی کو پولیس کی گاڑیاں نذر آتش کرنے اور جلائو گھیرائو کرنے کے کیس کی سماعت کی۔

تفتیشی افسر نے کہا کہ ملزمان کے خلاف تھانہ سرور روڑ میں مقدمہ درج ہے جو راحت بیکری افشان چوک میں پولیس کی گاڑیاں نذر آتش کرنے میں ملوث ہیں۔

دوران سماعت وکیل کا کہنا تھا کہ گرفتار ملزمان میں پی ٹی آئی چیئرمین کے گارڈز بھی شامل ہیں، ملزمان کو پانچ اگست کو زمان پارک سے گرفتار کیا گیا۔ولیس نے امن وامان کی خراب صورتحال کے پیش نظر ملزمان کو پیش نہیں کیا، عدالت نے 29ملزمان کی جوڈیشل ریمانڈ میں توسیع کرتے ہوئے تمام ملزمان کو آج ( ہفتہ ) انسداد دہشت گردی عدالت میں پیش کرنے کا حکم دے دیا۔