لاہور (نیوزڈیسک) شہری نے لاہور ہائیکورٹ سے زہر پینے کی اجازت مانگ لی۔تفصیلات کے مطابق لاہور کا شہری منفرد خواہش لیے عدالت پہنچ گیا۔ شہری نے لاہور ہائیکورٹ سے زہر پینے کی اجازت مانگ لی۔مزنگ کے شہری سرور تاج نے زہر پینے کے لئے عدالت سے رجوع کیا۔درخواست پر سماعت کرتے ہوئے جسٹس راحیل کامران نے شہری سے استفسار کیا کہ آپ زہر کیوں پینا چاہتے ہیں ۔

عدالت کسی کو زہر پینے کی اجازت کیسے دے سکتی ہے۔جج نے ریمارکس دئیے کہ مجھے لگتا ہے آپ سستی شہرت کے لیے کوئی اسٹنٹ کر رہے ہیں۔درخواست گزار نے کہا کہ مجھے کوئی شہرت نہیں چاہئیے، اللہ پر یقین ہے کہ مجھے کچھ نہیں ہوگا۔

جج نے کہا کہ عدالت کیسے کسی شہری کو غیر قانونی کام کرنے کی اجازت دے سکتی ہے۔ شہری نے کہا کہ میرے پاس علم ہے زہر بھی پیوں گا تو کچھ نہیں ہوگا ۔عدالت نے درخواست کے قابل سماعت پر فیصلہ محفوظ کرلیا۔