راولپنڈی (نیوزڈیسک) پاک فوج کا ملک بھر میں دہشتگردوں اور ان کے سہولتکاروں کے خلاف کامیاب آپریشن جاری ہے، سکیورٹی فورسز نے لکی مروت میں آپریشن میں 4 دہشتگرد ہلاک اور ایک زخمی حالت میں گرفتار کر لیا۔

پاک فوج کے شعبہ تعلقات عامہ کے مطابق سکیورٹی فورسز نے انٹیلی بنیاد پر لکی مروت کے علاقے سمیوواڈا میں دہشتگردوں کے خلاف انٹیلی جنس بیسڈ آپریشن کیا، فائرنگ کے تبادلے میں 4 دہشتگرد ہلاک اور ایک دہشتگرد کو زخمی حالت میں گرفتار کرلیا گیا، ہلاک دہشتگرد سکیورٹی فورسز کے خلاف متعدد کاروائیوں میں ملوث تھے ۔

ہلاک دہشتگرد شہریوں کے قتل میں بھی ملوث تھے۔ ہلاک دہشتگردوں سے اسلحہ ، گولہ بارود اور آلات برآمد ہوئے ہیں۔ آئی ایس پی آر کا کہنا ہے کہ مقامی لوگوں نے آپریشن کی حمایت کی اور دہشتگردی کے خاتمے کیلئے تعاون کا عزم کیا۔