اسلام آباد (نیوزڈیسک) نگران وزیراعظم انوار الحق کاکڑ نے کہاہے کہ معاشرے کی ترقی میں اساتذہ کا کردار ناقابلِ فراموش ہے۔نگران وزیراعظم انوار الحق کاکڑ سے اٴْن کے استاد نثار احمد نے ملاقات کی جس میں وزیراعظم نے اپنے استاد کا گرم جوشی سے استقبال کیا۔ وزیراعظم نے کہاکہ معاشرے کی ترقی میں اساتذہ کا کردار ناقابلِ فراموش ہے۔

وزیر اعظم نے کہاکہ ملک کے نوجوانوں کی صلاحیتوں میں بہتری تب ہی آ سکے گی جب تجربہ کار اساتذہ ان نوجوانوں کی سرپرستی کریں گے۔ وزیراعظم نے کہاکہ تعلیم کے ساتھ ساتھ نوجوانوں میں نظم و ضبط کی تربیت ان کی کردار سازی میں بنیادی اہمیت رکھتی ہے۔ وزیر اعظم نے کہاکہ قائد اعظم نے بھی ایمان اور اتحاد کے ساتھ ساتھ نظم وضبط کی تلقین کی تھی کیونکہ صرف ایک منظم قوم ہی اپنی اور دٴْنیا کی ترقی میں اپنا کردار ادا کر سکتی ہے۔